لــــــــــو التمنـى ينفـع اللـى يتمنــــون
مـا صـار بالدنيـا ولا يـــــوم فرقــــــــــــا
ولاشفت مخلوقن مع الـــــوقت محزون
ولاصارت عيونه من الدمـع غــــــــــرقـا
ولاشفت من يشكى من الظيم محزون
ولا شفت كلـن فـي لياليـه يشقـــــــــا
ولاشفت مضنونن شكا فراق مضنـــون
ولا ينحمس قلبه علا فـراق عنقـــــــــا
وياناس بالفرقا معـى وش تقولــــــــون
ماهى بنارن تحرق الجـوف حرقـــــــــا
انشهـده نـــــارن توقـد بطـاعـــــــــون
وقلبن شكا الفرقا من السـم يسقــــا
فـــرقا الولايف كنه الرمـح مسنـــــون
فـــرقا الولايـف يفتـق القلـب فتقـــــا
ولــــو التمنـى فــــــاد مـا دونهـا دون
انـــا تمنـى حـب مـن غيـر فرقــــــــا
قـــــول السديري يـو قالـه بمضمـون
الشاعر اللى يعشق الجـزل عشقــــا
تفخربه الشعـار والشعـر ممنــــــــون
مثلـه مـع الشعـار ماضـن تلقــــــــــا
الشعر يفخربه طواريـق واللحـــــــون
فـي عالـى القمـه بمعنـاه يرقــــــــا
والفعـل يبقـا والخلايـق يموتـــــــــون
يمـوت راع الفعـل والفعـل يبقـــــــــا
للشاعر الكبير ( محمد الأحمد السديري )
