قصيده لشاعر :.سداح العتيبي

ما أخترت أهيم بغرامك وأحرق أعصابي

وأذوق منك القسا وأقول وش هولـه ؟

وأرمي عليك الغلا .. وأفتح لك أبوابي

وأستدخلـك وأتـرك البيبـان مقفولـه

وأعيش لوعـة هـواك اللـي تلوابـي

الله حسيـب الهـوى لا بـان مدلولـه

الحب حالـه غريبـه مالهـا أسبابـي

حلقة وصل بين قلب وقلـب موصولـه

دخلت في جوّها قبـل آخـذ إحسابـي

وش حيلتي معك والأسبـاب مجهولـه

أنا لوّ أنّي مـن أوّل حابـس إعجابـي

ما قام يكبر هـواك .. وتثقـل حمولـه

ما قلت لك يا حبيبـي عطفـك أولابـي

اللي بقوله كـلام ٍ مـا أقـدر أقولـه !

ظلمتني في هـواك وشابـت أهدابـي

وأودعت روحي من التقصير مشلولـه

أتعب على راحتك وأدفـع لـك أتعابـي

والمنّـه لقلبـي اللـي تعـرف دلولـه

الغلطه أن جات منّي .. خاطرك طابـي

والغلطه اللـي تجينـي منـك مقبولـه

والمشكله معك يا أوّل وآخـر أحبابـي

كيف أمنع الشوق لا يوقف على طوله ؟

صح لسان الشاعر سداح

وسلمت يمينك

هلا وغلا كاسب الطيب

مرورك شررف

احترامي

» عجايب لشاعر سداح العتيبي
» سداح العتيبي
» قصيده لشاعر مدغم ابو شيبه
» قصيده لشاعر محمد العسكر
» قصيده لشاعر :. مستور العصيمي