شفت العرب وشلون تفرح بهمال * لامن نزل من بعد ماهم ضمايـــا
تباشروا في جيتة صافــــي ازلال * وهنـــــو بعضهم مع كثير الدعايـا
هذا شعوري لا وصل منك مرسال * يوم الوفاء من بيننا والعطــــــــايـا
يومك حريص بالمحبة والاقبــــــال * يومك لاجل قربي تسوي سوايــا
حبك شربتة باول الوقت فنجـــــال * وهجرتني من دون ذنب وخطايــا
اليوم اشوفك ناوي قطع الاوصـال * والصد منك لامع في سمايـــــــــا
رح بطريقك لاتجيني وتختـــــــــال * حبك رميتة من حياتي قفايـــــــا
ماهمني صدك وبعدك ولو طـــــال * ولاهمني كثر الحكي والوشايــا
الحمد لله عايش بخير وامـــــــــال* ودايم سعيد وعايش في هنايـا
حبيت واحد غيرك روق البـــــــــال * غــــر وفريد بالدلع والحكـــــايـا
استغفر الله مامضى كله اخيـــال * ولاهو صحيح هالحكي والنوايــا
واللي خلقني ضايق وشايل جبال* صدك ذبحني مابقى بي بقايـــــا
حاولت اكابر ياحبيبي بالاقــــــوال* وازريت امثل في قصيدي قسايــا
عيت حروفي لاتجي فيك بهــــزال* كن القوافي حافظة للوصايــــــا
وش حيلتي في حرقة الدمع لاسال *لاصرت اناظر صورتك بالزوايـــــــا
يمرني طيفك وانادية مــــــــــوال *يالعن ابوة الشوق زود عنايـــــــا
رابع شهر مامرني منك مرســال* ماغير اراقب بيتكم بالخفايــــــــــا
يمكن اشوفك من ورا الباب لامال *وافرح بشوفك وارتوي من ضمايـــا
هذا شعوري في غيابك والاحوال *قلبي ملكتة من جمبع البرايـــــــا
