غـــاده

أسعد الله أوقاتكم أحبتي

أهديكم آخر ماقلت على أمل أن تحوز أبياتي المتواضعه على رضاكم وترتقي لذائقتكم
[i]



يابنت ياللـــي عـن الاحوال نشّــاده

الحال باسباب بعض الناس متردّي


النــفس لـحياض الهواجـيس ورّاده

والقلب بيّـح خوافي سـدّه وسـدّي


ياغـادة الحسن ليه الصــد ياغـــاده

ليـه الجـفا والتـجني يابـعد .. جــدّي


كنت احسبنّك ربيع القلب واسعاده

وجيتـك وانا ادري اني متعديٍ حـدّي


وارخصت لكــ كبرياءٍ صار لي عــاده

واسكنتك اللي على ودّي .. ولاودّي


لكـن تبيّن خطـاي اليـوم .. ياغـــاده

ورجعت انا اخطي بعد ماكنت متقدّي


حسبي على حظي اللي غاية مراده

شوف العبايرمابين الرمش والخدّي


وحسبي على حظي اللي كل ماصاده

همّي وغمّي .. آلاّ صـدّي ولــدّي


( ودّعتــك الله ) يا بــعد كـل ميّــاده

هذا فراقي وعنك اليوم .. باشدّي


خلي ( سعود ) يطيح بيدين حسّاده

واعتبري اللي صار كابوس ويعدّي


وسلامتكم ...